علّق النائب بالبرلمان التونسي منجي الرحوي على الدعوات لعدم المشاركة في المسيرة الشعبية المبرمجة ليوم 25 يوليو  بقوله إن "الغضب الساطع آت...آت...آت...آت".

وأوضح الرحوي في تدوينة على صفحته الرسمية بموقع التواصل الإجتماعي فايسبوك أنه "وقتلي رئيس كتلة أنصار الشريعة...ورئيس كتلة الدستوري والنهضة يتقابلوا ويعبروا على نفس الموقف...تفهموا كل شيء...الفلس خدمت...ومازالت باش تخدم...لكن تأكدوا بأن الأمر قد حسم".

وقال " فما حاجة أخرى أكبر وأهم وأعمل وأوسع خدمت...اسمعوا أولاد الحوم المقهورة اش يحكيوا وكيفاه يحكيوا...اسمعوا عموم الشعب اش يحكي...اسمعوا المتقاعدين اللي فناو عمرهم في خدمة للبلاد...اسمعوا الصنايعية والبحارة والفلاحة.. اسمعوا الموظفين والخدامة...اسمعوا نواراتنا التلامذة والطلبة...اسمعوا فناني تونس اللي أبدعوا وخلاونا ننجموا نحلمو بالرغم ها الكابوس اللي نعيشوه...اهبطوا اللوطة واسمعوا...الدنيا تغلي...اما المرة الجاية خير وخير ببرشا...." وفق ما جاء في تدوينته.