1) هو الشاعر الشعبي الكبير الراحل نور الدين العزومي  من شعراء المقارحة وينحدر من منطقة وادي الشاطي " عين العزمه " بفزان 

2) كان معروفا بأنه صاحب بديهة حاضرة وارتجال في صيد القافية وقد افردت له الاذاعة الليبية مساحة  كبيرة خلال عقد الثمانينات من القرن الماضي 

3) من أشهر قصائده :

هـابــا عليكـــم هابتـــين وهـابـا .. يـا خاينــين الـوطــن يـا خنّـابـا

ياخاينـين الأمــة .. لا عهــد صنتـوا لا وفـاء لا ذمـة

يا اهـل الغــدر يا مفرقـين اللمـة .. يا حارقـين الـزرع عـام الصابـا

يا ســـــراقــــــــــــة .. ما تعـرفوا لا عهد لا ميثاقة

يا مشتتــين الوطن يا فـلاقـة .. بكيد المكـايد ناويـين خرابا

كل يوم مكيــدة .. وكل يوم فكرة من بليس جديدة

طايعـين لـه طاعة العبـد لسيـده .. بيـــش تفلقـــوا البلاد يا كــذابـا

ما فيـش شي يفـرح .. كـل يــوم يطلعلــك وزيـر يصــرح

قررنا، صدرنا، بعلو صوته ايبرح .. وهـو فـ الحقيقـة ذيـب كشـر نابا

هـابــا عليكـــم هابتـــين وهـابـا .. يـا خاينــين الـوطــن يـا خنّـابـا

4) ويقول في قصيدة : يا ما لاه يا بنت الإبل

يا ما لاه يا بنت الإبل --- سيادك وين عدوا للعمل

يا ما لاه يا بن الحنينة --- سيادك وين عدوا للمدينة

بديو شبح زولك كارهينه --- ذاقوا الليم و ايكال الفجل

و كنتي قبل في زمزم و نينة --- و سي حران حيرانك همل

و كنتي قبل تطري سمينة --- يفوت الصيف ما يخشك رحل

خيار الكسب ياللي عارفينه --- اركوب الخيل و بنات الخول

و تبغي سيد ما يرفع عوينه --- يضرب ريم قدامك جفل

يقلك باطلة يجيبك سمينة --- تبدي كيف فرقان الحجل

رافع بندقة و الاريل عوينه --- يشرب بر من ثديك عسل

تبغي صقر ما يحنث يمينه --- ما تبغيش قراض البصل

مركب طنجرة و يقلب في عينه --- قبالة شبحته متعت فسل

غاب سنين ناسه فاقدينه --- حصل عمل يخدم في الدول

سيب عيلته و سيب جنينه --- كاسب صحته كيف الجمل

تبغي صقر ما يحنث يمينه --- ان جاك الغير يضرب ما يذل

جميلك بان وقتن ما مشينا --- قطعتي رمال و خشوم الجبل

وردتي بيار اميتهم ضنينة --- فيهم غير زرزور النحل

كسب البل بتعقب سنينه --- يا ما لاه يا بنت الإبل

اعتزنا فيك يا شينك غبينة --- داير كرهبة سيدك حصل

يبي النافطة يبي البنزينة --- انفلقت قومة ليها نزل

و جاء للمدن جوه ملاقيينه --- جاء عيان في الورشة انسبل

عشرة جنيه قالوله اعطينا --- مد اطناش على ربي اتكل

ركب و دار دورها هوينه --- خش في سرولة صابه خلل

و نور الدين ياللي عارفينه --- حصل عمل في الظاهر نزل

تبع عمل في الشركة هوينه --- كلا ناقته راحت ضلل

امالي الزرع هاللي راعيينه --- حطوا ناقته في فندق التل

وقتن جيتهم قالوا اعطينا --- هات فلوس و انطح هالجبل

في وسط المجزرة راسك هوينه --- سيادك زوفرو ذاقوا الغلل

يا ما لاه يا بنت الشنينة --- و البازين و وريق النخل

يا حضار صلوا على نبينا --- أنا استغفرت ما تقولوا جهل