أطلقت الفنانة الليبية، أسماء سليم، أغنية جديدة بعنوان “رانا ليبيين” تناولت من خلاله معاناة المواطنين الليبيين في ظل غياب السيولة واستمرار انقطاع التيار الكهربائي وطالبت أسماء سليم من خلال أغنيتها الجديدة التي أطلقتها عبر صفحتها الرسمية بـ فيسبوك بدعم الجيش الوطني وحل الميليشيات، داعية المواطنين إلى متابعة الاعتصام في الساحات الأغنية من كلمات الشاعر الليبي أشرف البرشا والشاعرة الليبية هنو عمر وتوزيع معتز سلامة.

ووصفت الأغنية وضع ليبيا المتأزم في ظل حكم المليشيات والفساد والإنقسام السياسي والتدخل الخارجي ، وتحدثت عن الفقر وغياب الخدمات والمرتبات ودموع الرجال وعذابات الأمهات الثكالى والهجرة غير الشرعية ودعت الأغنية الي إستمرار الشعب في ساحات الإعتصام والى دعم الجيش الوطني وضرورة توحيد البلاد والوقوف في وجه الإنقسام وإسترجاع الثروات المنهوبة وتعبر الأغنية عن الصرخة المكتومة في قلوب الليبيين والتي تكشفها أوضاعهم المزرية منذ العام 2011 والأغنية من كلمات الشاعر الليبي أشرف البرشا والشاعرة الليبية هنو عمر وتوزيع معتز سلامة ،
وهذا نص الكلمات كاملا:
شوفوا حل عيينا
فدينا وملينا
إمتى تحسونا بينا 
رانا مقهورين
لا تقولوا شرقاوي 
لا وسطي لا غرباوي 
الوطن يريد مداوي
 يداووه الليبيين 
تمت رانا عيينا
فدينا وملينا 
والطامع يحكم فينا
هذا مستحيل الليبي 
في وطنه مضايق 
والعيشة ما هو طايق 
مهموم وغيره رايق 
يذزف في دمع العين 
سكنوا في قصور عوالي 
والليبي بيته خالي 
ويقول تبهذل حالي 
نلقاه الفرح منين 
الليبي يقول لليبي 
مهموم وفارغ جيبي 
ناوطني ضاع حبيي 
تمه  في حال حزين 
يكفي كافي يكفينا 
من قص الضي علينا
من الظلم خلاص عيينا
 أنصرنا مظلومين 
وين نبي نوصل صوتي 
تحبسني ورايد موتي 
شدوا الهمة يا خوتي 
في الساحة معتصمين 
بلادي راهي في حالة
بكيوا حتى الرجالة 
والأمهات ثكالى 
أولادك محبوسين 
وين المرتب وينة 
والأب دموعه ف عينه 
طالب من ربي عينه 
شارق غارق في الدين 
في ليبيا اللي نحبوها 
حال الغاية نبنوها 
غصبا عن اللي باعوها 
نبنوها حجارة وطين
نبنوها طوبة طوبة
نردوا الثروة المسلوبة
ياقوت الليبيين 
يا وين الملايين 
حلّوا الميلشيات 
وإنسوا أنسوا اللي فات 
وأبنوا المؤسسات 
سمونا إرهابيين 
ولادي بلادي الغوالي
رحتوا للموت قتالي 
أنسوا الأول والتالي 
خليكم متحدين 
بلادي زي البلدان 
تبي أمن وأمان 
والجيش في كل مكان 
يحمي المواطنين 
يرد أطماع العادي
ويصون تراب بلادي 
ويلبي وين تنادي
 يا سامع قول أمين 
هاللي درتوه 
حرام تجروا وراء الإنقسام 
وكثرتوا فيها أعلام 
والمصرف صار إثنين 
نبو وحدة دولتنا 
تعلى فيها رايتنا 
في الشرق وغرب إخوتنا 
تبونا مقسومين 
نبو دولة مدنية
ياسرنا ناس ضحية
في الهجرة الغير شرعية
في قارب منسيين 
دولة وحدة نبوها 
ياسر راهو خربتوها 
وين الوطنية وينيا 
رانا ليبيين


الأغنية من كلمات الشاعر الليبي أشرف البرشا والشاعرة الليبية هنو عمر وتوزيع معتز سلامة.









 المواطنين إلى متابعة الاعتصام في الساحات الأغنية من كلمات الشاعر الليبي أشرف البرشا والشاعرة الليبية هنو عمر وتوزيع معتز سلامة.
أطلقت الفنانة الليبية، أسماء سليم، أغنية جديدة بعنوان “رانا ليبيين” تناولت من خلاله معاناة المواطنين الليبيين في ظل غياب السيولة واستمرار انقطاع التيار الكهربائي وطالبت أسماء سليم من خلال أغنيتها الجديدة التي أطلقتها عبر صفحتها الرسمية بـ فيسبوك بدعم الجيش الوطني وحل الميليشيات، داعية المواطنين إلى متابعة الاعتصام في الساحات الأغنية من كلمات الشاعر الليبي أشرف البرشا والشاعرة الليبية هنو عمر وتوزيع معتز سلامة.